Bizcon.mn-Санхүүгийн бүх хэрэгцээг нэг дороос...

Мэргэшсэн дотоод аудиторууд эгнээгээ тэлсээр байна

bizcon — Tue, 08 May 2012 12:18:35 +0000

Монголын дотоод аудиторуудын институтээс зохион байгуулдаг мэргэшсэн дотоод аудитор цол олгох сургалт амжилттай явагдаж, нэр бүхий аудиторууд мэргэшсэн боллоо. 2012 оны 5 сарын 2

ТВ Караокед амжилттай оролцлоо

bizcon — Tue, 08 May 2012 12:16:55 +0000

Ситико Аудит ХХК-н 15 жилийн ойд зориулсан тв караокед Бизкон Аудит ХХК-ны хамт олон оролцож 2 байр эзэллээ. Дуучин аудиторууддаа баяр хүргэе. 2012 оны 4 сарын 28

Дархан захиралууд сургалтад хамрагдав

bizcon — Tue, 08 May 2012 12:15:11 +0000

МҮХАҮТ-н дэргэдэх Компанийн засаглалын үндэсний төвийн удирдах зөвлөлийн дарга Л.Отгонбаяр Дархан Уул аймгийн бизнес эрхлэгчдийн төлөөлөл болсон захиралуудад компанийн засаглалын гэрчилгээ олгох сургалт явуулав.

2012 оны 4 сарын 21

Ус Сувгийн удирдах газрын удирдлагууд мэдээлэл сонслоо.

bizcon — Tue, 08 May 2012 12:13:31 +0000

МҮХАҮТ-н дэргэдэх Компанийн засаглалын үндэсний төвийн удирдах зөвлөлийн дарга Л.Отгонбаяр Ус Сувгийн Удирдах газрын удирдлагуудад компанийн засаглал,дотоод аудит, хяналтын талаар мэдээлэл хүргэлээ. 2012 оны 4 сарын 17

НӨАТ-ын шинэ падааныг өнөөдрөөс хэрэглэнэ

bizcon — Wed, 02 May 2012 01:52:33 +0000

Нэмэгдсэн өртгийн албан татварын падаан шинэчлэгдэж, өнөөдрөөс эхлэн шинэ падааныг хэрэглэхээр болж байна. Ийнхүү шинэчлэхээр болсон нь баримтыг хуурамчаар үйлдэх, хууль бус ажиллагааг таслан зогсоох ач холбогдолтой хэмээн Татварын ерөнхий газраас тайлбарлаж байна.

Падааны загвар, хэрэглэх заавар, худалдан авалтын болон борлуулалтын бүртгэлийг Сангийн сайд, Үндэсний статистикийн хорооны даргын 2012 оны гуравдугаар сарын 29-ний өдрийн 82/51 дугаар тушаалын дагуу ийнхүү шинэчлэн баталжээ. Тиймээс тайлан гаргагчид хэд хэдэн зүйлд анхаарахыг албаныхан анхааруулж байна. Үүнд,

НӨАТ-ын албан падаан хэрэглэх заавар (www.mta.mn цахим хуудаснаас татах) –тай нарийвчлан танилцаж, падааны мэдээ, тайланг сар бүрийн 10-ны дотор татварын албанд цахим хэлбэрээр ирүүлэх
Татвар төлөгчид шинэчлэгдсэн загвараар хэвлэсэн падааныг тавдугаар сарын 1-ний өдрөөс эхлэн хэрэглэнэ
Шинэчилсэн падааныг хоёр хувь үйлдэж, өнгөн хувийг борлуулагч өөрөө авч үлдэх бөгөөд нөгөө хувийг худалдан авагч талд өгнө. Падааныг зөвхөн НӨАТ төлөгчөөр бүртгэгдсэн этгээдэд бичиж өгөх. Түүнчлэн падааны мэдээллийг борлуулагч болон худалдан авагч талууд бичсэн талаарх мэдээллээ тухайн сарын НӨАТ-ын тайланд тусгах бөгөөд энэ мэдээллийг цахим тайлангийн системд оруулахдаа падаан бичсэн татвар төлөгч бүрээр салган харуулна. НӨАТ төлөгчөөр бүртгүүлээгүй татюар төлөгчид хамаарах орлогыг борлуулагч нь бөөн дүнгээр нь нэг падаанд бичиж, хадгална.
Борлуулагч падаанд тусгах мэдээллийг үнэн зөв бичиж, гарын үсэг ,тамгаар баталгаажуулсан байх гэнэ. Борлуулсан бараа, ажил, үйлчилгээний нэрийг Үндэсний статистикийн хорооны дарга, Улсын бүртгэлийн ерөнхий газрын дарга, Мэдээлэл, шуудан, харилцаа, холбоо, технологийн газрын даргын хамтарсан тушаалаах батлагдсан бүтээгдэхүүн, үйлчилгээний нэгдсэн ангиллын дагуу харгалзах кодын хамт тодорхой бичихийг онцгойлон анхааруулж байгаа ажээ. Бүтээгдэхүүн, үйлчилгээний нэгдсэн ангиллыг Татварын ерөнхий газрын www.mta.mn цахим хуудаснаас харах юм. НӨАТ-ын падааны код багананд уг ангиллын дөрвөн оронг ашиглана. Тухайлбал, Талх, талхан бүтээгдэхүүн үйлдвэрлэн борлуулдаг аж ахуйн нэгж талхны борлуулалтаа падааны “Бараа, ажил, үйлчилгээний нэр” багананд “Талх” хэмээн бичнэ. Харин “код” багананд 2341 гэж бичих юм байна.

Манай улсад НӨАТ төлдөг 17 мянган аж ахуй нэгж байдаг бөгөөд өмнө нь хэрэглэж байсан 9 оронгийн дугаартай, гурван өнгийн падаан өнөөдрөөс эхэлж хүчингүй болох юм. Хуучин падаанаар хийсэн борлуулалтын болон худалдан авалтыг дөрөвдүгээр сарын НӨАТ-ын тайланд бүрэн тусгах ёстой юм байна. Энэхүү шинэ падааныг авах хүсэлтэй аж ахуй нэгж, хувь хүмүүс харьяа дүүргийнхээ татварын газарт хүсэлт тавьж, авах ажээ.

У.БОЛОР

Бизкон Аудит ХХК байгуулагдсаны 10 жилийн ой болон Монголын Дотоод Аудиторуудын Институтын 9 жилийн ойн баярын мэндийг хүргэж танд дараах сургалт, үйлчилгээг санал болгож байна.

bizcon — Wed, 18 Apr 2012 07:53:57 +0000

Үүнд:

1. Төсвийн тухай хуулиар төсвийн ерөнхийлөн захирагч бүрийн дэргэд дотоод аудитын нэгж байгуулж, түүнд дотоод аудитор ажилуулахаар хуульчилсан билээ. Мөн Компанийн тухай хуулиар ХК болон ТӨҮГ аудитын хороо, дотоод аудит, хяналтын тогтолцоог бий болгож, түүнд дотоод аудитор, хянан шалгагч нарыг ажиллуулахаар хуульчилсан. Цаашилбал Төрийн хяналт шалгалтын тухай хууль болон ЗГ-н 311 тоот тогтоолоор төрийн болон хувийн бүх байгууллагад дотоод хяналтын нэгж байгуулж, түүнд дотоод аудитор, хянан шалгагчийг ажиллахаар тус тус хуульчлаад байна.

Тиймээс таныг МЭРГЭШСЭН ДОТООД АУДИТОР буюу CIA цол олгох 24 цагийн сургалт-шалгалтад урьж байна.

2. Нягтлан бодогч хүн бол санхүү, татварын тайлан гаргаад ажил нь дуусах ёсгүй. Эзэд болон удирдлагыг стандарт бус буюу удирдлагын бүртгэлийн мэдээлэлээр хангах ёстой. Бид таныг удирдлагын бүртгэлээрх МЭРГЭШСЭН УДИРДЛАГЫН НЯГТЛАН БОДОГЧ буюу CMA цол олгох сургалт-шалгалтад урьж байна.

3. Өрх гэр, албан байгууллагын Санхүү,татварын тайланг гар аргаар, эксэл болон санхүүгийн програмаар гаргаж сурах 21-30 хоногийн гэрчилгээ олгох сургалтад байнга бүртгэж байна.

4. Нягтлан бодогч мэргэжил олгох 6 сарын, 100% практик, ажлын байрны захиалгатай брэнд сургалтад урьж байна.

5. Интерактив програмын 5 хоногийн сургалт

6. Бизкон 5.0 програмын суулгалт,сургалт, зөвлөгөө

7. Жижиг, дунд байгууллагын санхүү, татвар, НӨАТ, НД тайлан гаргана, тушаана, шивнэ.

Оны шилдэг залуу багш шалгаруулав.

bizcon — Wed, 11 Apr 2012 09:53:37 +0000

Монголын мэргэшсэн нягтлан бодогчдын институтын дэд ерөнхийлөгч Л.Отгонбаяр оны шилдэг залуу багш тодруулан шагналаа.

2011 оны 12 сар

Нэгдсэн 3-р эмнэлэгийнхэн дотоод аудиторын сургалтад амжилттай хамрагдлаа

bizcon — Wed, 04 Apr 2012 09:52:27 +0000

Монголын дотоод аудиторуудын институтын ерөнхийлөгч Л.Отгонбаяр нэгдсэн 3-р эмнэлэгийн нягтлан бодогч, эдийн засагч, эмч, сувилагч зэрэг бүх төлөөллийг багтаасан мэргэжилтнүүдэд удирдах зөвлөл, аудитын хороо, дотоод аудит, сайн засаглалын талаарх мэргэшсэн дотоод аудитор цол олгох сургалт явууллаа. 2012 оны 4 сарын 4

Орхон аймгийн захиралууд компанийн засаглалын сургалтад хамрагдаж гэрчилгээ авав.

bizcon — Tue, 03 Apr 2012 06:35:39 +0000

МҮХАҮТ-н дэргэдэх Компанийн засаглалын үндэсний төв ТББ-н удирдах зөвлөлийн дарга Л.Отгонбаяр Орхон аймгийн компанийн захиралуудад компанийн засаглалын сургалт явуулж гэрчилгээ олгов. Эдгээр захиралууд нь Хувьцаат компани болон төрийн өмчит үйлдвэрийн газруудын ТУЗ-н хараат бус гишүүнээр сонгогдон ажиллах боломжтой болж байна.

2012 оны 3 сарын 31

НӨАТ-ын босгыг өндөрсгөнө

bizcon — Mon, 02 Apr 2012 01:49:58 +0000

НӨАТ-ын тухай хуульд өөрчлөлт оруулах тухай хуулийн төслийг УИХ-ын гишүүн Я.Батсуурь, П.Алтангэрэл нар санаачлаад байна. Одоо хүчин төгөлдөр үйлчилж байгаа НӨАТ-ын тухай хуулиар 10 сая түүнээс дээш төгрөгийн борлуулалтын орлоготой аж ахуйн нэгж, иргэн нь орлогынхоо 10 хувиар тооцон НӨАТ төлж байгаа юм. Эл хуулийг зургаан жилийн өмнө баталжээ. Түүнээс хойш эдийн засгийн цар хүрээ өргөжиж, төсвийн орлогын хэмжээ хэд дахин нэмэгдэж татварын бүтэц өөрчлөгдсөн юм байна. Тодруулж хэлбэл, тухайн үеийн 10 саяын бодит үнэ цэнийг өнөөгийн цаг үеийн 10 саяын үнэтэй харцуулахад чанарын ихээхэн ялгаа бий болж,

тухайн үед 10 сая төгрөгийн борлуулалт хийж байсан аж ахуй эрхлэгчид дунд, түүнээс дээш аж ахуй эрхлэгчид хамаарч байсан бол өнөөдөр 10 саяын борлуулалт хийж байгаа бизнес эрхлэгчид жижиг, өрхийн аж ахуйн төвшинд авч үзэхээр тийм татвар төлөгчийн хэсэг хамаарч буй гэнэ. Ингэснээр татварын 10 хувь ч үйл ажиллагаанд нь ихээхэн дарамт учруулдаг байна. Татварын байгууллагаас авсан судалгаагаар 2011 оны хоёрдугаар улирлын байдлаар 0-10 сая төгрөгийн борлуулалтын орлоготой татвар төлөгч нийт НӨАТ төлөгчдийн 40 орчим хувийг эзэлж байгаа хэдий ч НӨАТ-ын орлогын дөнгөж 1.6 орчим хувийг л бүрдүүлдэг байна. Тиймээс дээрх нөхцөл байдлыг үндэслэж НӨАТ төлөх борлуулалтын орлогын босго дүнг 10 сая байсныг 100 сая төгрөг болгон өөрчлөх саналыг энэхүү төслийн хүрээнд оруулж өгчээ. Судалгаагаар 2001 оны хоёрдугаар сарын байдлаар 0-100 сая төгрөгийн борлуулалтын орлоготой НӨАТ нь энэ төрлийн татвар төлөгчдийн 77,3 хувийг эзэлдэг байна. Хуулийн төслийн талаар төсөл санаачлагч УИХ-ын гишүүн Я.Батсуурь, П.Алтангэрэл нар дөнгөж сая сэтгүүлчдэд мэдээлэл хийлээ.

Цалин, тэтгэвэр тэтгэмжийн нэмэгдлийн хэмжээг баталлаа

2012 оны 3-р сарын 17, Бямба гариг, 17:50

Засгийн газрын өнөөдрийн хуралдаанаар төрийн албан хаагчдын цалинг хоёрдугаар сарын нэгний өдрөөс тооцон эхний ээлжинд 80 мянган төгрөгөөр, тавдугаар сарын нэгний өдрөөс 23 хувиар нэмэхээр Засгийн газрын хуралдаанаас шийдвэрлэлээ.

Ингэснээр төрийн албан хаагчдын дундаж цалин 630 мянган төгрөгт хүрч байна. Засгийн газрын 2008-2012 оны үйл ажиллагааны мөрийн хөтөлбөрт тусгасны дагуу төрийн албан хаагчдын цалинг 2008 онд 20 хувиар, 2010 онд 30 хувиар нэмсэн бөгөөд өнгөрсөн оны байдлаар дундаж цалин 410 мянган төгрөг байгаа юм.

Мөн нийгмийн халамжийн тэтгэврийн хэмжээг хоёрдугаар сарын нэгний өдрөөс сард 70 мянган төгрөгөөр, тавдугаар сарын нэгний өдрөөс 103 мянга 600 төгрөгөөр тогтоон мөрдөхөөр боллоо. Ингэснээр нийгмийн халамжийн тэтгэврийн хэмжээ 2008 оныхоос 2,5 дахин нэмэгдэж байна. Түүнчлэн нөхцөлт мөнгөн тэтгэмжийн хэмжээг энэ оны хоёрдугаар сарын нэгнээс сард 40 мянга, тавдугаар сарын нэгнээс сард 48 мянган төгрөг болголоо.

Нийгмийн халамжийн тэтгэврийн хэмжээ одоогоор 53 мянга 800 төгрөг байгаа нь бүсүүдийн дундаж хүн амын амьжиргааны доод түвшнээс 50 орчим хувиар бага байгаа юм. Энэ тэтгэврийг нийгмийн даатгалын сангаас тэтгэвэр авах эрх нь үүсээгүй ганц бие ахмад настан, хөгжлийн бэрхшээлтэй иргэд, тэжээгч нь нас барсан хагас болон бүтэн өнчин хүүхэд гээд 52 мянга орчим хүн авдаг байна.

Тэгвэл байнгын асаргаатай иргэнийг асарч байгаа болон хүнд нөхцөлд байгаа хүүхэд, ганц бие харж хандах хүнгүй өндөр настан, хөгжлийн бэрхшээлтэй иргэнийг гэр бүлдээ авч асрамжилж байгаа 27 мянга орчим иргэнд олгодог 31 мянга 200 төгрөгийн нөхцөлт мөнгөн тэтгэмжийн хэмжээг тавдугаар сарын нэгнээс 48 мянган төгрөгт хүргэх юм.

Нийгмийн даатгалын сангаас олгож байгаа тэтгэврийн хэмжээг 35 мянган төгрөгөөр нэмэн энэ оны хоёрдугаар сарын нэгний өдрөөс эхлэн тооцож олгохыг Засгийн газрын хуралдаанаас Нийгмийн хамгаалал, хөдөлмөрийн болон Сангийн сайд нарт даалгалаа.

Ингэснээр 318,2 мянган тэтгэвэр авагчийн тэтгэвэр нэмэгдэж байгаа бөгөөд дундаж тэтгэвэр 27,8 хувиар нэмэгдэж 162 мянган төгрөг болж байна. Мөн Нийгмийн даатгалын сангаас олгох бүрэн тэтгэврийн доод хэмжээг 140 мянга 300 төгрөгөөр, хувь тэнцүүлэн тогтоосон тэтгэврийн доод хэмжээг 105 мянга 200 төгрөгөөр шинэчлэн тогтоож хоёрдугаар сарын нэгний өдрөөс мөрдөхөөр болсон байна.

Харин тавдугаар сарын нэгнээс дахин нэмснээр тэтгэвэр энэ онд 53,8 хувиар, 2008 оныхоос 2 дахин нэмэгдэнэ. Гэхдээ тэтгэврийг тавдугаар сарын нэгнээс нэмэх үед эрх зүйн зарим өөрчлөлт гарч болзошгүй байгаа юм. Тиймээс Засгийн газрын хуралдаанаар энэ асуудлыг НХХЯ дахин оруулж хэлэлцүүлэх юм байна.
www.gogo.mn